Kellyjackie通宵作歌捱到病
樂壇創作歌手Kellyjackie（陳曉琪）近日忙於綵排將在27日舉行的「星光演奏廳－管弦聖誕音樂會」，不過因連續兩星期捱通宵作歌兼天氣轉變，最終不支病倒，她說：「我扁桃腺發炎，食咗幾日抗生素後，成個口都生咗20粒痱滋，吞口水同食嘢都痛到不得了，好慘，人都瘦咗。」
由於她要演出音樂會，拍攝電台節目《警訊》及為明年年頭推出的新碟錄音，故不得不帶病上陣。
問她為何不放假好好休息？Kellyjackie無奈說：「唔可以，我唔想所有人都遷就我一個，雖然唱歌時，郁到個嘴會好痛，但我都可以忍，最擔心係怕影響我唱歌，尤其我依家要為新碟錄音，我好想有最佳嘅表演，今次喺呢個最唔適當嘅時間病咗，我好激氣。」