蔡恩真求安全唔揀蒲精
來港發展的韓籍女歌手蔡恩真（E.J），自爆有很多機會認識「有錢佬」，但不為所動，她又不喜歡經常去「蒲」的花花公子，認為這種人不能給她安全感！
蔡恩真來港發展後一直單身，難免感到寂寞，她坦言想交男朋友：「我想搵一個唔係Playboy嘅人，唔想佢成日去Party，又多女朋友，又飲好多酒，我發現香港真係好難搵！」問她可接受「有錢佬」？她笑說：「韓國、香港、內地，真係太多機會認識有錢佬，不過我自己可以賺錢，足夠我食，我要嘅其實我都有！」
灌醉男仔冇下文
問她是否要「靚仔」？她說：「當然唔可以太醜樣，但唔需要太靚仔，因為靚仔太危險，有好多花花公子，（要唔要高過你？）呢個就好緊要！」問她在香港可遇過合適的人？她說：「有，四年前，我識咗一個，但佢唔係太鍾意我，所以有次聖誕我灌佢飲酒，但係佢醉到瞓咗，之後仲嘔添，我唔鍾意男仔嘔！」她那次只得到「嘔男」的一吻，但沒有下文。
蔡恩真表示聖誕後就要開始準備她所屬樂壇新進組合Girls Kingdom的新碟，與成員之一的松岡李那極好朋友的她表示組合中有兩個韓國女生、兩個日本女生，希望這個組合在香港可以受歡迎。
文：音樂組
攝：秦健輝
場地：Lan Kwai Fong Entertainment