徐靖雯周子揚隨時爆愛火
內地模特兒徐靖雯與歌手周子揚的緋聞傳得熱烘烘，她雖然不肯承認戀情，但卻表示二人相當啱key，並即將跟他及幾個朋友飛去東南亞過個火辣聖誕，到時分分鐘擦出愛火花！
曾與無綫小生鄭嘉穎傳過緋聞的徐靖雯（Jenny），最近被指有新戀情，對象乃歌手兼西貢地王之子周子揚，她堅稱二人現階段只是「很好的朋友」，不過直認有發展空間：「我哋好傾得埋，我鍾意男仔上進，佢做嘢好努力，大家溝通冇問題。」這兩年來她的工作排到密麻麻，所以今年聖誕會外遊來獎勵自己，當然少不了帶埋緋聞男友：「我會同佢及一班朋友一齊去東南亞玩兩、三日，我喺北京成日過白色聖誕，今年想過番個熱啲嘅聖誕！」
大班人夠熱鬧
Jenny早年都試過跟前男友及大班朋友去日本旅行歡度聖誕，她喜愛大班人熱熱鬧鬧：「如果得兩個人，去到一個陌生嘅地方會好無聊，成班人就會好玩啲！」但她贊成偶爾過二人世界亦很浪漫。在北京長大的她表示當地聖誕氣氛濃厚，每逢聖誕，她就會跟朋友去玩：「好鍾意聖誕節，大家會互相揀禮物畀對方，一齊坐低食飯，互相祝福，好溫馨。」
文：專案組
攝：沈健程
服裝：IPOSH