吳雨霏開P謝絕緋聞男
吳雨霏（Kary）入行九年來聖誕節均要留港工作，今年家人繼續外遊過節，為免過Lonely Christmas有意在家開派對，但聲明拒請兩位緋聞男友周柏豪和林子祥兒子林德信（Alex）來狂歡。
入行以來，Kary每年都因工作而留港過節，一直未嘗過白色聖誕滋味，今年亦復如是，Kary的家人將會外遊，她只好興致勃勃首次買聖誕樹回家布置，為家中多添聖誕氣氛。
親手製薑餅
為免顯得孤獨，Kary直言有意在家大搞聖誕party：「有諗過呀！聖誕出街太多人，我又未試過開P，叫晒班朋友嚟交換禮物就最開心。（預埋緋聞男友柏豪和Alex？）唔會啦！呢排好多狗仔隊跟住我，其實唔會影到啲乜，大家安心聖誕放假啦！」
Kary會趁這幾天開始搜購聖誕禮物，她笑言不喜歡選聖誕擺設，反而會揀選實用物品或食品。雖然Kary曾封為「地獄廚神」，但她仍有意炮製「聖誕薑餅」；她說：「我有整過曲奇，但聖誕節就未試過，想有啲心思親手焗薑餅做小禮物。」Kary覺得禮物心思很重要，聖誕卡亦是心意的表現，她慨嘆現今聖誕卡已被SMS取代，若現在有男仔送她聖誕卡，一定會讓她格外窩心。
文：音樂組
場地：apm