龔嘉欣姚子羚整朱古力迎聖誕

姚子羚（Elaine）及龔嘉欣（Katy）向來感情深厚，最近更一起參演無綫劇集《我的如意狼君》，無獨有偶，她們都對整甜品情有獨鍾。日前二人便約埋向朱古力大師王艷炫偷師，學整朱古力迎聖誕，見她們手勢似模似樣，原來二人入廚經驗豐富，Katy閒時都會整甜品給親友品嘗：「最難試過整豆腐花，用咗大半日，自己磨豆，一定要撞得啱先會成功，最後我撞到第七兜先搞掂！」之前她試過聖誕節整一百隻薑餅人曲奇派街坊，分甘同味。

食極唔肥

雖然她們都酷愛食甜品，但食極都唔肥，Katy磅數長期維持在九十磅左右，羨煞旁人！Elaine今年聖誕要開工不能去玩，而且即將要為呂慧儀的婚禮做姊妹，她表示未想到要送甚麼禮物，還是做人情比較實際。熱衷整甜品的Elaine曾為前男友學整法拉利蛋糕：「之前個男友好鍾意車，想做畀佢做生日禮物，特登去買法拉利書搵相，再用鉛筆起草稿，整咗成晚！」她很少在家整甜品，通常出外上堂學，因為若有疑難可即時向師傅請教。

姚子羚及龔嘉欣獲朱古力大師讚有天分！

二人用心裝飾朱古力，對製成品相當滿意。

文：專案組　攝：司徒國榮　場地：GODIVA

髮型：Michael Lam@i hair　化妝：Sammy Lam