鍾一憲醉到斷片當街除褲

新人鍾一憲及麥貝夷組成情侶檔後漸為人所熟悉，他們謂之前從未試過跟另一半共度聖誕，故今年以情侶檔工作，可算是首個有情人的聖誕節。提到聖誕節常有不少派對，很多人都會醉到不省人事。

自爆有露體癮

而問到兩人曾否試過飲醉？Jason說：「入行前有年同班朋友一齊飲酒，走嗰陣我已經企唔穩，當我哋行到商場嗰陣，我無啦啦跑去前面除咗自己條褲，仲要係連埋底褲一齊除！好彩嗰時唔多人，我班朋友即刻幫我着番條褲帶我走！依家諗番起都驚呀！」他坦言當時已經醉到斷片，根本不知發生「除褲事件」，但笑言發覺自己原來飲醉後會有一鋪「露體癮」！

少飲酒防出醜

至於Karene就謂試過於一個聖誕派對中飲醉酒，碰巧當時剛與男友分手，故飲醉後喊到崩潰：「我係咁攬住人不停咁喊，講嘢又語無倫次，嗰次之後都好少出去飲酒，費事出醜！」Karene又大爆曾見過Jason飲醉酒：「嗰次佢飲醉係咁亂講嘢，英文、國語輪住講！好彩冇除褲！」

採訪：林詠 攝影：劉智源

場地：apm