諸葛有腹氣法拉拒祝福

前晚Marie出席電影《吸血新世紀4破曉傳奇上集》慈善首映，同場還有混血女模Jessica C.、Alice B.等，Marie繼續被追問有喜一事？她笑說：「等我公布咗先，（怕小器？）希望有好消息講，（三個月先講得？）唔知，（老人家有冇畀意見？）個個朋友都講好多意見，（奶奶有冇過兩招畀你？）都有同我講要食啲乜同埋點調理身子，（減少工作？）感覺上都要，唔止工作，全部都要。（想仔定女？）係我嘅都鍾意，（男友想仔定女？）係佢嘅都鍾意，（男友有冇叫你出入小心？）佢平時都會叫，佢都好緊張。」

Marie又透露明年三、四月會擺酒，記者笑言屆時會否雙喜臨門？她笑言希望呢！她又表示送了水晶給未來奶奶作聖誕禮物，而未來奶奶則送了3D魚兒手機套給她。

放大圖片	法拉對諸葛懷孕一事，大表避忌。	同場的Jessica C.及Alice B.大鬥性感。

「唔講人哋嘅嘢」

而同樣是「薛家媳婦」的陳法拉昨日出席活動被問到Marie有喜一事？她即表現避忌，並拒送上祝福：「唔講人哋嘅嘢，講番自己嘢啦，而且我係代言人，都係講番品牌嘅嘢！」至於她的造人大計？她自言有跟「男友」商討過：「打算生兩、三個啦，不過呢啲要慢慢計劃，我仲係二字頭，三字頭先啦，（奶奶恨唔恨抱孫？）佢好open，好摩登！」

及後法拉即在微博「呻訴」寫道：「被記者再三追問『某某疑似懷孕』的消息，還問我怕不怕被爬頭？我無語了。人各有心，心各有見，我盡力做好自己的事就夠了。」似不滿「風頭」被搶去。

文：名人組