子珊拍鎮宇速成演技

《潛行狙擊》成為無綫今年高收視劇集，連帶電影版《Laughing Gor之潛罪犯》都令人期待，延續劇集的發展，除了飾演「姚可可」律師的徐子珊、「Laughing」謝天華、「跛Co」黃宗澤有得留低外，還找來了影帝級吳鎮宇坐鎮。

雖然子珊非首度與影帝合作，但今次要跟性格派的鎮宇合演多場對手戲，她可謂既驚又喜，她謂：「真係好緊張，未合作過嘛！後來相處落原來都OK喎！佢好肯教人，所以我就豁出去，每場都問鎮宇應該點，因為我好想知道唔同演員對某啲情況會點演，好在佢都好有耐性咁答我。」

子珊每天在片場都向影帝級的鎮宇請教，令演技大躍進。

黃宗澤（左起）、徐子珊、吳鎮宇、謝天華等相處融洽。

經過日復日「補課」，令子珊收穫甚豐富，還得出結論：「鎮宇係個好特別嘅演員，演戲唔會好formula，永遠有驚喜，仲要去到好relax境界，呢樣嘢好深，所以希望下次可以有長啲時間合作，拍劇都OK o架！」

思覺失調有難度

為延續電視版結尾的人物性格，電影版的子珊已變得有思覺失調，此舉對伊人來說竟然有難度，她笑言與同片演員早有默契，每天玩得不亦樂乎，但每當埋位卻要變臉，子珊說：「真係好難變，同埋套戲拍得有啲趕，冇咩時間warm up，有幾場仲要喊，就連情緒崩潰都冇咩時間培養，完全係考演技，好在都託賴過到關。」

文：影視組　攝影：吳文聰

服裝：BCBGMAXAZRIA

髮型：Maggie @ Kim Robinson