嘉穎暗示隨時翻撻
鄭嘉穎與前緋聞女友徐靖雯前晚同場，雖然早前兩人被傳翻撻，不過見面並未有感到尷尬，還大方合照，嘉穎坦言對方有sms恭喜他奪得視帝，至於可會吃回頭草，他表示將來的事沒有人會知道，但現在這刻就不會。
早前有報道指出爐視帝鄭嘉穎與前緋聞模特兒女友徐靖雯（Jenny）翻撻，Jenny被指買T-back冧嘉穎，前晚兩人在數碼港出席BMW呈獻《職業特工隊：鬼影約章》首映禮，難得同場，其他嘉賓還有王敏德、莊思敏、羅慧娟、陳法蓉和甘國亮等。
唔怕激嬲新歡
問到首先到場的Jenny有關報道，她說：「我無睇過，都係記者講我先知，連當事人自己都唔知，咁可信性有幾高？（影到你買T-back喎？）啲相應該係幾個月前影嘅，當時我仲着緊夏天衫，依家天氣咁凍點可能會咁着。（你同嘉穎仲有無聯絡？）唔想答呢啲，同佢嘅緋聞已經傳咗差唔多一年。（驚男友周子揚嬲所以唔講？）唔係，佢好識體諒別人，知道係新聞造出嚟，知道係誤會。」
恭喜榮獲視帝
之後到場的鄭嘉穎就表示不知道會與Jenny同場：「如果見到面會同佢打招呼。（傳你哋翻撻，佢買T-back冧你？）咁得意？上次你哋先問完我佢男朋友啲嘢，我諗中間一定係有誤會。（你哋仲有無聯絡？）佢有sms恭喜我得到視帝。」他又主動澄清跟另一前緋聞女友佘詩曼被指復合的傳聞：「我哋無復合。（即係曾經一齊過先會講復合啦？）總之係無復合。」再問到他可會吃回頭草，他坦言：「將來會發生咩事無人知，我自己都唔知，但呢一刻唔會。」
文：名人組