江若琳灑淚再續Sing夢
江若琳昨日加盟星煥國際再續歌星夢，台上首播新歌MV，感觸得即場灑淚，更揚言不會爭做一姐。
星煥國際昨日舉行聖誕派對，在內地拍劇的江若琳（Elanne）專程前晚返港出席，席上唱片公司為Elanne進行加盟簽約儀式，並播出她新片的主題曲《你給我力量》MV，感動得即時灑淚。講到以七位數字酬勞加盟？Elanne說：「我講心唔講金，因為我好鍾意唱歌，令我繼續唱歌夢。」說爭做「一姐」？她謂：「唔會啦！（欣宜話同你兩個Style，佢做唔到偶像派？）我都係實力派。（唔爭一姐，要爭獎？）呢啲我從來都唔諗，唱歌係為自己同歌迷，而唔係為咗獎項。」
欣宜銷量報捷
另提到前緋聞男友吳卓羲被張馨予用其微博放床照，Elanne謂：「可能真係一時唔小心呢，打從心底欣賞吳卓羲，好男人先會咁安心畀私人嘢畀個女仔，絕對好男人。（爭取？）唔啦，留畀其他人啦。」至於欣宜新碟報捷，席上唱片公司宣布銷量達金唱片成績。問到欣宜可想做「一姐」？她坦言每個人讀書都想考第一，但都要逐步來，打好基礎先。
文：音樂組