內地男星胡兵昨日現身Dior北京旗艦店開幕，以模特兒身份示範男裝，他透露現時主要留在東京發展，但亦會回內地工作。
期間，他自爆與女友拍拖一年多，明年可能會結婚，但被追問女友身份時，自知講錯話的他補鑊說：「都係唔好寫啦，我時間唔夠用，畀人鬧啦，冇時間仲搞搞震。」被一再追問之下，他才說：「呢啲嘢唔好喺度講。（隱瞞唔好喎？）我鍾意小朋友，冇小朋友邊個想結婚？就算結都會離。（女友係圈內人？）唔講啦。」
