青雲燒鵝當兵器食住上
向來有喜劇細胞的劉青雲，最近於新片盡展所長，拿起兩隻道具燒鵝當武器，並聯同梁朝偉及周迅齊齊抗敵，抵死的青雲更大搞爛Gag，表示打到累時可以吃兩啖補充體力，絕對是繼摺櫈後另一名留青史的武器。
集合兩大影帝劉青雲、梁朝偉及影后周迅的英皇電影《大魔術師》，故事不乏搞笑場面，繼偉仔以道士造型耍木劍放笑彈後，青雲也不讓偉仔專美，也於一場大戰敵人場面化身戰神，並手拿道具燒鵝作戰。
打到攰咬兩啖
雖然青雲喜劇細胞不俗，但近年大多演文戲為主，故對於今次既能於片中搞笑又有動作戲，興奮非常，不過沒想到會是拿燒鵝作武器，他謂：「導演同我講拍攝重點時，我仲以為佢講笑，直至埋位時有工作人員遞上兩只燒鵝，我先知原來係真！呢個係我見過最勁嘅兵器，因為當你打到攰又可以食兩啖補充體力，肯定係繼摺櫈後另一名留青史嘅兵器。」
青雲更靈機一觸化身李小龍，並當兩條燒鵝為雙節棍不停揮動，惹笑非常，被問到可有在家中以燒鵝髀練習？青雲笑謂：「如果我買兩隻鵝喺屋企亂咁舞，相信我會被老婆扔出街。」
魔術功夫合體
飾演魔術師的偉仔則透露，以往電影的角色狠勁十足，但今次卻要把功夫及魔術融為一體，他說：「魔術同功夫都容易引人注意，但好少見到兩者結合會係點，希望藉今次畀觀眾知，魔術其實睇得又打得。」
文：影視組