周迅聖誕唔寂寞搵人過招
周迅感情生活懸空多時，似乎一點也不怕單身，揚言不會趁聖誕節識男仔，為新片學武的她昨日被問到武功程度時，她竟向現場記者「過招」撩交打！
【陳曉鉉澳門直擊】李連杰、周迅、陳坤、桂綸鎂及徐克等昨日齊集澳門出席《龍門飛甲3D》首映記招。周迅透露聖誕節已約好家人及朋友在北京吃飯，問到會否識男仔？她斬釘截鐵說：「唔會。（點解？）唔想。（唔想拍拖咩？）咁大個人，順其自然啦！」
問到拍武打戲是否很辛苦？周迅說：「冬天拍要着好多衫，唔係好靈活。」記者笑問她武功有否變好時？她即搞笑地問：「試吓？」她又坦言不怕兩部新戲同期上映票房會自己打自己。
李連杰避談收一億
早前盛傳李連杰片酬高達一億，李連杰否認謂：「傳聞唔好信！」他強調片酬合理，更玄妙地說：「美元貶值，人民幣升值，總之片酬好合理。」他表示聖誕與新年將放假陪家人。談到徐克被陳坤指是「魔鬼」，李連杰笑說：「我同徐20年前合作過，知咩一回事，依家已經好好多。」
徐克要求演員真打
至於問到徐克《龍》片北京首映被指遭張藝謀搶記者，他意有所指謂：「我覺得喺同一檔期推出兩部戲，啲觀眾反應都係好嘅，係好事，其實無必要去搞啲乜嘢，社會強調和諧，點解電影工業要有火藥味？」對於遭演員封為「魔鬼」，他笑言很「畀面」：「我應該比魔鬼更恐怖！其實想觀眾睇得出係真打。」徐克直言不知李連杰片酬是否有一億：「我淨係知我推遲咗呢部戲，減咗我一半片酬！」