懺悔記招有內情 志偉負責寫「貓紙」
陳浩民於橫店醉攬陳嘉桓事件鬧至滿城風雨，早前更舉行懺悔記招，據知身為浩民好友的曾志偉對事件出過不少力，如陳浩民的懺悔記招「貓紙」，便找來多名圈中好友度稿，原本蕭定一亦有份參與，但其後志偉過目後認為不夠真情，結果再落多兩錢肉緊，改稿後才讓浩民公開宣讀。
昨日志偉亦承認在今次事件出過力，他說：「多一事不如少一事。（你有幫手？）幫過下啦。（陳浩民捐錢去護苗基金點睇？）可能生完BB想護苗。」
而蕭定一對於好友陳浩民甩難說：「咁咪好咯，其實呢排我見佢都乖咗好多，日日陪住老婆，總之畀心機做嘢，飲少啲酒就OK嘞。」