(7)陳景國遭Cara G.揸胸嗌爽
昨日《2011亞洲先生競選》十六位參賽者以泳裝示人，更選出(7)陳景國成為「最具攻擊性超級男」，評判團之一的模特兒Cara G.於頒獎時眼見對方胸肌誘人，不禁伸手揸胸，令對方大叫「感覺好爽」！
《2011亞洲先生競選》的十六位亞洲先生，昨日首次以泳裝亮相狂騷肌肉，大會邀請了郭秀雲、模特兒Cara G.及「2010亞洲小姐冠軍」王欣作評判團，各參賽者亦要即場票選「最具攻擊性超級男」，結果由(7)陳景國奪得。
玩吓可令佢放鬆
鬼妹仔性格的Cara G.於頒獎時眼見(7)陳景國胸肌紮實，不禁伸手撫摸，然後再從後揸實！她說：「因為覺得佢表現好緊張，所以同佢開個玩笑，希望令佢放鬆，平日我都會咁樣玩男友，有時男友都會覺得嬲ｏ架。」而(7)陳景國對於Cara G.的行為，卻一點也不反感，他說：「感覺好爽，平時身邊啲女性朋友都會咁做，不過會迴避，但係佢咁『令（靚）女』就算啦！」
(13)邱士峻有信心
郭秀雲看見十六位參賽者競選時，笑言好像看見兒子的同學在參賽，問到若兒子錢景峰參賽她會否支持？郭秀雲即說：「我殺咗佢！有書唔讀走去玩呢啲嘢，同我搞掂個文憑先，搞掂咗佢想做乜都得。」另外，(13)邱士峻對自己的親和力及均衡身材大有信心，自信可打入三甲。
文：影視組