梁靖琪撐Ron冇去派對

梁靖琪(Toby)前晚與老友湯盈盈為綜藝節目錄影。早前吳卓羲(Ron)被指出席Toby婚後派對,因而令女友張馨予呷醋。Toby強調Ron沒有出席派對:「佢真係冇去!人哋感情事唔方便講,佢開心我就開心。」新婚愉快的Toby笑言未有時間生B,但老公在婚前已帶她看醫生調理身體,為生仔作準備。提到其婚宴邀請很多過氣情侶或緋聞男女,她笑說:「我自己都有啦,苗喬偉同蕭正楠。根本好多都係緋聞,不過嗰晚大家都玩得好開心。」

另外,湯盈盈被指懷疑於停牌時拍駕車戲,但她出席活動時未見影響心情,更貼上假鬚,笑言要假扮Toby老公。