林莉積極搵愛工作隨緣
林莉進軍模界後工作頗順利，但感情方面就仍然沒着落，她笑指在工作上不會太有野心，但感情路上若遇到合適對象就會很拚搏呢！
昨日林莉出席「E-Max奇趣聖誕享‧樂園開幕典禮」活動，她表示今年聖誕都要在工作中度過，那豈不搵唔少？她笑說：「今年ＯＫ呀，我年尾睇相，師傅都話我工作愈來愈好，反而感情方面就冇咁快。其實我好難識男仔，公司瞄得好實，佢哋想我專注工作，覺得我唔夠主動，唔知係咪暗示我懶。」她自言在工作上較隨緣，野心不大，反而感情方面就時刻裝備自己，遇到心儀的更會全力拚搏，女人畢竟看重感情事呢！