陳見飛佳期化水 今年嫁唔出

陳見飛前晚以高貴打扮出席珠寶鑽飾品牌活動，明顯瘦身的她比以前更美麗，她表示因早前籌備婚禮所致，笑言現在嫁不出了，她解釋：「我想keep住115磅體重，其實本來十二月喺泰國結婚，因為男友係篤信泰國佛教，可惜因為水災問題而要將婚禮延期。（延遲幾耐？）唔知，要等麥玲玲擇日！」據知，陳見飛婚禮將延期至明年春天，地點選擇中，不會選擇泰國作婚禮場地。

溫碧霞開工兼陪仔

此外，同場的還有溫碧霞、松岡李那、陳沛嘉、傅明憲、黃家諾等，溫碧霞表示今個聖誕節會帶同兒子到杭州一齊開工，又表示囝囝已習慣上學，她說：「佢要上好多班，佢係好開朗。（會唔會為囝囝添個弟妹？）暫時唔會，工作太忙，照顧小朋友要花好多時間，多一個怕自己照顧唔到。」她又表示在「澳門國際電影節」封后興奮至今，心情還未平復，還有連串慶祝活動。

陳沛嘉（左起）、黃家諾、傅明憲（右）等在活動中碰頭。	松岡李那無懼寒流，打扮性感出席。	溫碧霞（右）與金燕玲一齊現身珠寶活動。

金燕玲唔知「嫁妹」

金燕玲則謂朋友都力讚她在電視劇《天與地》的演技好，自己對該劇亦期望很大，除了劇本好，對手演技也了得，她說：「我好榮幸參與演出。（兩年後先播可唔可惜？）都奇怪。（如果快啲播，可以橫掃台慶獎項？）我有諗，可以攞獎當然錦上添花。（廿五點收視，觀眾唔接受？）套劇好似電影感覺，可能有啲觀眾會唔明，希望大家放多啲時間睇。」

問到有傳在劇中演她妹妹的邵美琪結婚？她表示不知情，更笑說：「我哋一齊拍戲好好傾，有商有量。（佢真結婚，你就多了個妹夫？）我未見過佢男友，但要致電佢問係咪結婚，如果係真就會問佢點解唔請我去飲。」

文：名人組