暴瘦冇問題 黃子華撩林嘉欣隻揪
黃子華、徐子珊昨日聯同高海寧、沈卓盈等出席慈善活動，正忙於與林嘉欣綵排舞台劇的子華，對於拍檔盛傳再度懷孕，表示未有向對方求證，更指嘉欣現時身形很弗。
子華還透露兩、三年前有意找嘉欣於電影演女拳手，但最後因對方身形浮腫而打消念頭，子華笑指若然嘉欣現時有興趣，他絕對「隨時候命」！談到早前傳他患重病，子華則笑謂︰「話我病重？其實都唔係瘦好多，當日畀人影到喺醫院其實係探朋友，我健康OK。」
徐子珊非常時期封嘴
而子珊則性感登場，被問到有否留意緋聞男友吳卓羲與張馨予的新聞？她謂︰「人哋私人嘢唔方便評論。（傳你同阿羲夜蒲令張馨予呷醋！）唔相信，我哋只係緋聞唔係事實，我都冇同佢玩，亦唔認識張馨予。（又傳張結過婚！）都係唔評論，亦冇打畀卓羲，非常時期嘛！咁大個人自己搞掂。」至於高海寧與沈卓盈異口同聲表示對陳志雲離開感可惜，寄望對方遊學歸來重投無綫大家庭。
文：影視組