關心妍唔做天后做媽咪

Jade相隔8年，將於明年1月20日假紅館舉行演唱會，雖暫定開一場，但她及唱片公司卻誠意十足，她說：「我每日都練2個鐘頭歌，戒食澱粉質同做運動減肥，主辦單位投資咗好大筆錢，會喺紅館建一個水池玩水。」她承認只開一場，投資者難有錢賺，故她都期望可加開一場。問她可會收平歌酬減低成本？Jade豪氣謂：「就算唔收歌酬都可以，我當自己做埋投資者，個唱係我同老公嘅夢想。」

婚後心態改變

Jade自爆09年時自資30至40萬元，在伊館開4場慈善演唱會。完騷後她即接到3場內地騷，她感恩謂：「真係好神奇，係好輕鬆嘅工作，條件係一定要唱福音歌，計埋總數，我仲有錢賺，所以我覺得神凡事都自有安排。」

Jade完成紅館及巡迴個唱就會專心造人，問她何不趁勢再創事業高峰，甚至當「樂壇天后」？她淡然說：「經歷事業低潮，明白做『天后』唔係我想做就得，依家只想做音樂，用歌手嘅影響力去幫助別人。」至於「下一站」是否當媽媽？她說結婚後心態有變，覺得當媽媽比做「天后」更難，更有挑戰性，因生兒育女非人為可以控制，加上養育小朋友係一生一世的重任。

化妝：Omix B 髮型：Ken Hui@Hairculture

服裝：NINE WEST，ZARA 採訪：音樂組