劉嘉玲禪修慶牛一
將於十二月八日生日的劉嘉玲，透露老公梁朝偉（偉仔）不時會送上意外驚喜給她，令她十分感動。對於今年的生日，她亦期待偉仔送上驚喜。至於如何慶祝？她表示只希望能好好休息，讓她靜靜地思考及禪修。
劉嘉玲昨日穿上紅色連身裙出席Swarovski活動，將於十二月八日生日的她獲大會送贈首飾，她更高興得向現場觀眾送上飛吻，心情大靚。被問及生日如何慶祝時，她表示只想休息，而朋友亦陸續相約她食飯慶祝。
嘆太多假食物
問到生日願望，嘉玲表示希望身體健康及快樂，因身邊有朋友身體不適，她慨嘆：「社會掠奪太多資源，令空氣變差，食物又假，最重要都係有健康，先有快樂，先有一切。（你同偉仔都健康？）我哋有健康嘅思想，都有保持生活健康，好似做運動咁。不過依家年紀大，愈嚟愈注重飲食，不過都係防不勝防，連腐竹都有假，好危險。」而問到生日正日會否留給偉仔？她回應：「留畀自己，係我嘅生日。（想點過？）依家大個咗，享受自己一個人，舒服啲，自在咁休息。想靜靜咁諗吓嘢，禪修一下。」
不欲談私生活
嘉玲又透露偉仔身在外地做宣傳，問到對方會否回港和她慶祝？她即大賣關子：「或者啦。（會唔會畀意外驚喜你？）我諗唔會啩，冇所謂，我都期待緊。我都成日畀驚喜佢，係要靠幻想力去製造。」當記者再追問她印象最深刻的驚喜時，她即封口，表示不欲多談私生活。當記者笑言偉仔不像是會為人炮製驚喜的人時，她即維護愛郎：「你睇佢做唔同角色都做得咁好，就知佢係一個豐富嘅人。」
文：名人組