陳美詩跳出陰霾馬國出騷
陳美詩自上月到沖繩拍無綫旅遊特輯出意外後，休息三個星期便於上周末復工。今次美詩衝破陰影，前往馬來西亞雲頂，與王祖藍在舞台劇中齊齊扮演學生。
美詩前晚返港，昨日接受電話訪問說：「冇陰影啦！有嘢做好開心架！條頸仲有少少痛，會定期做針灸，今次過去馬來西亞只係演文戲，我都OK應付到，（男友孫耀威有冇擔心你？）有，叫我小心啲！（擔心男友代你出頭而激嬲無綫？）冇啲咁事，男友只因『四大』問題未有出現無綫啫！」
她又笑言此行集中品嘗美食，是個增肥之旅，最開心是能一嘗當地有名榴槤品種「象山王」。