謝安琪怕「峰」寒拒絕性感
歌手謝安琪（Kay）明年１月將再踏入紅館開騷，自嘲不及老公張繼聰奔放的她，事先張揚自己怕凍，不會有性感戰衣，只限見鎖骨和露背。
Kay昨日到中環出席「謝安琪你們的幸福演唱會2012」記者會，宣布將於明年1月13及14日假紅館開騷，贊助商大手筆送上逾40萬鑽錶，由於個唱主題是幸福，Kay說：「因為演唱會咁啱近新年，覺得呢個主題好好，希望畀人開心感覺。」
不及老公奔放
戰衣方面，Kay坦言唔會賣弄性感，她說：「平時啲衫都扣上喉嚨，一來自己怕凍，二來自己唔係行呢條路線。」問是否老公張繼聰唔畀性感？她笑說：「佢好奔放，係自己保守，我嘅尺度好高，只可見到鎖骨，背脊都OK，會有舞蹈演出，但唔會有辣身舞。」Kay謂食全素後整個人清減了，問咪咪有冇縮水？她說：「夠使就得，唔好介懷。」
此外，Kay表示仍在考慮嘉賓名單，問會否搵老公撐場？她說：「做觀眾好啲，佢好乖，上次個唱管接管送，欣賞我努力成果。」Kay又透露自己參與很多製作意見，因近年做很多公益事務，認識了物料再造藝術家、車衣女工等，他們會幫手做布景和戰衣，而製作人丘亞葵透露，將邀請世界各地知名音樂家做樂手，令演唱會更生色。
文：音樂組