胡杏兒起孖封后喊爆示愛

無綫的《萬千星輝頒獎典禮2011》昨晚舉行，15個獎項塵埃落定，獎項由「親生仔女」壟斷。備受矚目的「最佳男主角」及「最佳女主角」分別由《怒火街頭》的「Law霸」鄭嘉穎及《萬凰之王》的「沅宛」胡杏兒大熱跑出，杏兒更憑《怒火街頭》的「王思苦」砌低「Miss Koo」鍾嘉欣及陳法拉，獨攬「我最喜愛的電視女角色」，榮登雙料視后。

希望宗澤頂住

當獲頒「我最喜愛的電視女角色」時，杏兒未見半點興奮，又大唱神曲《忐忑》形容「后」途受阻的心情，並向嘉穎求救：「點算，唔知講咩？希望陣間仲有得講！」事後，杏兒坦言從沒想過拿角色獎：「網上投票都係排第三，我都好想鍾嘉欣攞。（起孖？）希望啦！」

其後，杏兒從吳鎮宇及謝賢手上接過獎座，憶起當年大熱倒灶時頓變「大喊十」，含淚感謝高層陳志雲、曾勵珍及梁家樹等，又「暗名」感謝男友黃宗澤（Bosco）：「仲有一個人，喺拍《我的野蠻奶奶》時對我好嚴厲，雖然佢同記者講話我攞獎嗰陣會去廁所，但佢冇去到。」並轉向Bosco方向續說：「我知自己有好多缺點，好難頂；但你都好多缺點，好難頂，但希望我哋一路頂住大家。」場面感人。

食白果的謝天華和陳法拉，終於可以憑「最佳劇集」站一站台。	胡杏兒從謝賢和吳鎮宇手上接過獎項，喜極而泣。	鄭嘉穎識英雄重英雄，擁抱落敗的謝天華。

Laughing慘變Crying

至於早於06年開齋封帝的嘉穎，先奪「tvb.com微博人氣大獎」，再從陳妙瑛手上接過「我最喜愛的電視男角色」，當時他也認為視帝「窄窄哋」，又笑言看到吳鎮宇任頒獎嘉賓已心知不妙，豈料最終竟攬埋視帝大獎，連掃三個獎項。他甫上台即與曾傳緋聞的頒獎嘉賓鄧萃雯擁抱，並感謝珍姐及志雲的支持，又再三強調沒有簽約換獎。此外，據知高層原本推舉天華封帝，但昨晨開會後決定順從民意，改由獲網友力捧的嘉穎登頂。另有網友笑指天華由「Laughing哥」變「Crying哥」。

至於謝天華則表示已了解輸獎原因：「輸畀嘉穎冇所謂，唔會唔開心，會同老婆食消夜。」

此外，入行55年的李香琴，從無綫副行政主席梁乃鵬手上接過「萬千光輝演藝人大獎」。

文：影視組