楊崢搭飛機遭醉漢博懵
楊崢昨日出席電器活動時，透露自己習慣每天早餐都吃飯，而午餐及晚餐則吃粉麵，自己因此瘦了不少。她表示平常喜歡親自下廚，問到曾否為前男友煮大餐？她笑言：「有呀，仲請埋朋友一齊食！（會唔會想結婚？）OK啦，遇到嘅話就OK，不過如果唔夾會唔開心，咁不如一個人開心仲好。依家冇拍拖，多咗私人時間，仲開始學韓文同去過韓國四、五次。」
而問到陳嘉桓涉被非禮一事，她坦言與對方不熟，但希望大家給予她空間。而問到她曾否遇過類似事件？她回應：「有一次喺飛機坐商務位，有個外國人坐咗喺我身上！我之後有同空姐投訴，點知佢話『佢醉咗，唔使理佢』，令到我覺得好唔受尊重，所以有一排我都罷坐嗰間航空公司。」