草蜢爭獎戰意十足
首次進軍司儀界的樂壇組合草蜢，憑呼聲甚高的綜藝節目《華麗明星賽》獲提名「最佳節目主持」及「最佳綜藝節目」兩獎，三子對得獎甚有信心，更表示已準備好靚衫隨時上台拎獎。
蔡一傑認為是次節目是香港電視史上的一大突破，他笑說：「節目出街後，大家都覺得好新鮮，連藝人都覺得好好玩，又有好嘢食！」今次傑仔要與好友伍詠薇在獎項上一較高下，他開玩笑說：「我諗都係得佢可以同我哋鬥，佢天生靚女，我天生靚仔，有能者居之啦，邊個拎都開心！」而蔡一智又「自誇」可媲美教育節目：「我哋除咗有得玩，連問題都好益智、好通識㗎！」問到他們可有意再當司儀？蘇志威笑說：「咁睇吓今次拎唔拎到獎啦，如果拎唔到，我哋都要再諗吓條路應該係點行。」不過，他們都充滿戰意。