伍姑娘叫兩飛當贏咗
伍詠薇（伍姑娘）首次擔任主持便獻身給《變身男女ChokChokChok》，節目叫好叫座一度添食，更成為今年台慶頒獎禮之「最佳節目主持」及「最佳綜藝節目」兩個獎項候選，伍姑娘甫出戰便「叫兩飛」，與拍檔阮兆祥，力戰勁敵兼好友《華麗明星賽》的蔡一傑，可謂戰況激烈。
伍姑娘面對勁敵兼老友心情有點矛盾：「信心當然有，攞到獎就錦上添花，但好想老友攞獎，我知草蜢都係Hit，大家都叮噹馬頭！」而監製錢國偉更稱若捧獎會去旅行慶祝，當然有贊助就順道去日本拍埋Crossover版就更好，伍姑娘聞言更舉腳贊成。而伍姑娘更感激錢國偉的賞識，完全放心讓她在節目中發揮，並說：「今次節目個勢好，我心目中已當贏咗！因為贏到好多朋友！」