馬德鐘半島開餐 豪賀愛妻牛一

捲入醉攬陳嘉桓事件的馬德鐘，獲太太張筱蘭全面信任兼力撐，適逢愛妻生日，馬德鐘不惜向劇組請假，特意趕回港陪伴太太過生日，前日下午陪行街後，晚上兩人再齊齊換了一身打扮到半島酒店撐枱腳。
馬德鐘趕回港陪太太過生日，十指緊扣證情不變。
馬德鐘趕回港陪太太過生日，十指緊扣證情不變。

當晚，馬德鐘和太太以同樣的黑西裝外套襯牛仔褲情侶look出現，一餐飯食到晚上11時許，兩人十指緊扣步出，馬太面帶微笑，至於馬德鐘亦一臉風騷，豪畀100蚊貼士予代客泊車員，似要以行動證情不變。記者上前問他送甚麼禮物給太太以及陳嘉桓事件等等，馬德鐘只說：「食餐飯啫，冇咩特別嘢想講。」隨即做柴可夫與老婆雙雙返歸。據知，陪完老婆過生日，馬德鐘又再風塵僕僕回橫店繼續拍戲。

馬德鐘豪派100蚊貼士。
  • 馬德鐘豪派100蚊貼士。
兩人飽餐後齊返回愛巢。
  • 兩人飽餐後齊返回愛巢。