陳嘉桓憔悴開工微博慰母

昨早十一時，Rose臉帶憔悴現身橫店為王晶導演新戲《笑功震武林》開工，劇情講述身穿中山裝的她與三名上身赤裸並塗上銀色顏料的武師對打。劇組發現記者即予驅趕，更多次伸手阻擋記者鏡頭。

Rose經理人公司老闆冼國林昨日接受本報訪問，對於何時就嘉桓涉遭無禮攬錫一事報公安，他說：「依家首要關心係Rose情緒，佢有抑鬱情況，情緒唔穩定，要先安穩佢情緒，等佢同佢屋企人重投平靜生活，其他係次要。佢同佢媽咪Ronnie關係曝光，Rose家人成為追訪目標，佢哋覺得好受騷擾，家中四位長輩為咗呢件事圍埋一齊喊，真係好慘，Ronnie都要接受心理輔導。」而冼國林接受now觀星台訪問表示：「Ronnie從冇以星媽自居，事件發生後冇大吵大鬧，一直安分工作，信任公司會做代表為佢哋討回公道，盡顯偉大母愛。」

Ronnie則在微博留言希望外界給予空間，強調無隱瞞與Rose關係，更指Rose父親亦姓陳，請各界不要再作無謂猜測。Rose則在微博表示：「媽，你辛苦了！」