圓圓渴望聖誕嫁期
今年年初和玩具大王蔡志明兒子蔡加讚拍拖的模特兒汪圓圓，昨日情侶檔拍住上行善，舉手投足都充滿甜蜜之情，雖然默契一致拒絕閃婚，但圓圓被問到如男友於聖誕節以戒指求婚時卻未有推卻，一臉害羞說要視乎這刻是否來臨。
昨日汪圓圓與蔡加讚以情侶檔現身由「蔡加讚童軍基金」贊助的「香港童軍100周年-關愛長者樂滿心開展典禮」。在活動上，即場編織頸巾的圓圓，表示這次活動會捐出一千多條頸巾給長者。問到會否送溫暖牌給男友？圓圓甜笑說：「之前未有時間。（做聖誕禮物？）都可以。（你哋聖誕節點過？）我會同屋企人去北京，男友好忙，未知佢點。」身旁的蔡加讚即表示現忙於在內地發展鐘錶生意。他又透露自己是香港童軍基金新界地區的會長，希望透過是次活動幫助到老人家，還坦言總共花了150萬來籌辦這個慈善活動。
仲係sweet期
此外，二人被問到是否忙到沒有時間結婚？他們都笑着點頭，至於會否閃婚？他們就異口同聲表示不會：「我哋都唔係閃嘅人。」問到有沒有plan何時結婚？圓圓笑言：「佢工作忙，拍拖又未夠一年，仲係sweet期，睇吓聖誕我收到咩禮物先啦！（即係如果男友聖誕節送戒指，你會應承嫁佢？）唔知喎，睇吓佢係咪送先啦！」說時圓圓一臉害羞，男友則在旁笑而不語。
蔡太掃大閘蟹
另外，蔡志明太太蔡李惠莉，趁着大閘蟹仍然當旺，日前以一身閃閃令打扮與一女友人結伴到銅鑼灣掃大閘蟹。期間見她於店內細心挑選，不一會已購下兩大袋，其後由司機負責攞上車，蔡太揀啱心水靚蟹後，隨即取出電話發短訊，似是call齊老友開餐。
文：名人組