Twins撐鄧紫棋童言無忌
Twins前日出席海港城活動，患感冒的蔡卓妍（阿Sa）透露為免誤傳她「有喜」，故不會搵男友陳偉霆陪睇醫生。對於鄧紫棋在網誌勁彈鄧麗欣及胡杏兒，Twins說：「童言無忌，佢幾得意吖，講嘢直啫。」
另外，鄧紫棋（G.E.M.）昨日出席活動，再為網誌的言論解釋：「我同鄧麗欣私下搞掂咗，胡杏兒就搞緊，不過就冇吳卓羲聯絡電話。」對於入行即飛起初戀男友被網民封為「港女」？她說：「我哋仲好friend，大家傾呢件事都笑到嘔。」G.E.M.強調信主後不再講粗口，問她可有向男友台灣歌手林宥嘉解釋？她說不想再涉及其他男仔。
