傅嘉莉一粒藥險魂斷澳門
模特兒傅嘉莉（Kelly）早前差點魂斷澳門兼失掉七位數字的收入！早前被挑選到澳門拍大型廣告的Kelly，抵埗後感到喉嚨不適，現場有人給她服食抗生素，怎料約半小時後感到全身痕癢！「面同手腳都起粒粒，要用粉遮，尤其當吹風時仲起好大撻，耳仔起粒粒之餘，就連耳道都腫埋，抖氣都有困難，之後覺得半邊面腫，連眼球都控制唔到咁。」她說為不欲影響進度，照頂硬上拍攝，每有空檔即狂飲清水，幸好數小時後開始無恙。
「醫生話我藥物敏感，估唔到一粒藥會搞成咁！我換衫時全身起晒粒粒，就連工作人員都話好似痳瘋咁，真係好驚，好有死亡感覺，所以我已配定平安藥跟身，損失酬金事小，影響人哋事大，所以當日扮堅強照做。」
