梁思浩不忿未獲邀
前《瘋Show快活人》節目主持梁思浩於5月突然被電台停職，事後狂插電台不是，昨日電台舉行周年派對，廣邀舊同事出席，據知，曾擔任《瘋》客席主持的藝人陳彥行和已離職6年的前DJ Kawaii都獲邀，偏偏連奪5年最受歡迎DJ的思浩卻冇份，據知此事令他深深不忿！
本報致電思浩求證，他承認冇收過邀請，問會否覺得電台小器？思浩說：「雖然電台即時封我咪，但我冇嬲過，自己做咗17年，好掛住班同事，好多朋友都約我去派對，可惜電台冇請我，自己都好尷尬，唔緊要啦，呢行係圓嘅，睇佢哋幾時下啖氣，我唔介意再合作。」