徐子珊江若琳大讚好男人
開口埋口談太太的謝天華，在曾合作過的徐子珊與江若琳眼中，絕對是一等一好老公，子珊直言天華毫不吝嗇分享夫妻相處之道，sweet程度簡直爆晒燈。
雖然鏡頭前天華經常Laughing上身chok到行，私底下卻搖身一變成顧家男，子珊謂：「開工嗰時係會同我哋玩吓，但其實佢幾識照顧人，呢啲男人好有責任心，完全唔避忌公開講太太，有時我哋私底下傾偈，佢都有分享同太太點相處，有時又聽見佢講玩煮飯仔咁，真係好sweet。（有冇見過佢同啲女仔眉來眼去？）咁又冇見過，佢份人幾正直o架！」
而江若琳則笑指天華酷樣只是虛有其表，她說：「識落之後就發現佢好有風度，喺片場仲係大細路添，成日講笑話，同太太又成日拖手出街，幾咁sweet，仲唔係好男人一個？印象中從未見過佢同女仔擠眉弄眼，因為佢都唔會同唔識嘅人傾偈，怕醜嘛，哈哈！」