陳嘉桓涉遭馬德鐘陳浩民強行攬錫

剛度過19歲生日的陳嘉桓（Rose），正身在內地橫店拍攝電影《笑功震武林》，同片還有洪天明；由於橫店正有多個劇組開工，當中有不少香港演員，難得在異鄉遇上大班「自己友」，大夥兒不時便在橫店相約吃飯。前晚Rose便跟洪天明、樊少皇、方中信、陳浩民、馬德鐘、葉璇、孟瑤以及一班工作人員食飯，由於其中一位工作人員生日，故飯後Rose、孟瑤與洪天明、陳浩民、馬德鐘及一些工作人員等，再去唱卡拉OK慶祝，席間，已有人不斷游說Rose飲酒，但伊人以自己「年紀還小只想飲果汁」來拒絕。

醉後闖禍事後道歉

唱K後，眾人再到燒烤店吃串燒，孟瑤沒有跟隨，有指洪天明、陳浩民與馬德鐘當時已喝得很醉，洪天明更醉得在燒烤店睡着了，陳浩民與馬德鐘則醉到要鬧着玩，據知馬德鐘先攬錫Rose，陳浩民則欲咀Rose面及嘴，嚇得Rose「魂飛魄散」，先以手擋後再以手遮面，大呼「我仲好細，唔好玩啦！」，此時工作人員見狀，即拉開他們，事後馬德鐘與陳浩民都有向Rose道歉。

Rose師傅兼經理人冼國林對於Rose在內地遇到不愉快事件表示，暫只了解少許情況，但已極之憤怒，覺得有人禽獸不如，欺凌弱女！他發火說：「等我了解晒成件事，若果係好嚴重嘅話，我絕對唔會手軟，一定立即採取法律行動同報警，依家搜集資料及徵詢律師意見。」

放大圖片	在橫店拍攝外景的一眾港星，大前晚相聚吃飯並拍下大合照。

冼國林喪鬧「好蠢」

不過，一向公正的冼國林亦有罵Rose不懂保護自己，他說：「娛樂圈應該互相尊重，飲醉只係藉口，佢（指Rose）太冇機心，唔識得保護自己，我鬧咗佢成粒鐘，真係好蠢，啲人咁樣對個細路女，梗係唔好，冇扶助後輩，反而仲要咁樣做，我睇唔起呢啲人。」

記者就不愉快事件致電Rose，問她馬德鐘與陳浩民是否因飲醉了玩大咗而要跟她又攬又錫？Rose表示：「中間確實發生過，我有推開到，可能佢哋飲醉咗，有啲誤會啦。」Rose亦承認馬德鐘、陳浩民曾向她致歉：「佢哋有同我講唔好意思，只希望呢啲唔愉快嘅情況唔好再發生，出去食飯經常都係一大班人一齊出去食，都識保護自己，但都搞成咁，以後真係要避免同啲飲醉酒嘅人接觸！（發生呢件事之後會唔會令你好嬲同唔開心？）唔開心一定有，諗唔到會咁，希望以後唔會再發生。」

文：影視組