有線主播區永權（Albert）的囝囝Aidan Boy，由於生得精靈可愛，得到不少明星藝人喜愛，Albert笑謂之前曾帶囝囝一起拍攝與蘇永康的特輯，豈料卻意外地吸引了城中靚媽徐子淇的目光，Albert笑謂：「嗰日徐子淇出席慈善活動，咁啱我做司儀，佢主動走埋嚟話喺電視見到我個仔，覺得好得意。」
與張栢芝稔熟的Albert又指，Aidan Boy出世後，栢芝曾主動問Albert說：「喂，要唔要臍帶血？」當Albert表示有興趣後，栢芝即幫忙搭路，令Albert十分感動：「就連我仲未出世嘅B，栢芝都照顧埋，真係好有義氣。」他又指栢芝送了很多禮物給囝囝：「佢送咗兩架BB車同孭帶畀我，佢對朋友真係好好。」