莊思明變髮磨刀再出發
上屆港姐莊思明自卸任後似乎未有多現身電視框，換上新髮型的她表示希望能重新出發，繼續努力發展其演藝之路。眼見同期出身的港姐已走出自己的一條路，似乎還在原地踏步的思明亦直言曾為自己感到徬徨。
剛與無綫簽下新約的莊思明（Lisa）出身於富裕家庭，「富家女」形象深入民心，故不少人都以為她唔憂做，Lisa卻直言為前途感到焦慮，眼看同屆港姐陳庭欣及張秀文等均找到自己的定位，現時工作量不多的她透露亦有一段低潮期，她謂：「之前成2、3個月都冇嘢做，真係覺得好徬徨、唔知點算！」不過經一班朋友悉心開導下，Lisa逐漸走出陰霾：「我先轉新形象，希望有個新開始，學多啲唔同嘅嘢，做到周身刀張張利！」
愛情工作並存
Lisa參選港姐期間曾受到不少抨擊，事過境遷後的今天，她直言經過謠言的洗禮下已變得堅強，不過回想當初她仍表示心有不甘，亦試過自信心崩潰，她說：「同14個女仔一齊參賽，大家都付出同樣努力，但我就算冇做錯嘢都要畀人話，嗰時真係好唔開心架！」另外，談及緋聞，Lisa即甜笑說：「我覺得唔影響工作咪得囉，冇必要為咗工作而放棄愛情。」
文：冰奇
攝影：司徒國榮
髮型：Nelson@Hair