李蘊分手喊爆話咁易

李蘊日前為新碟《戀物誌》拍攝MV，內容講述她和男友分開後，因睹物思人而傷心到淚流滿面。但現實生活中的她愛情得意，又透露暫定於12月推出的新碟中，有一首自己填詞的歌曲，那正是其感情生活的寫照。

付出更多

李蘊說：「未有歌名，但係講愛情嘅，意思係你愛我，我會愛你更多，（係咪作畀男友聽？）係作畀關心我嘅人聽！fans都好啱聽。」問李蘊是否不好意思明示？她坦言是怕醜的人，希望將感情事低調，不過她也寄望在台灣的朋友會支持她的新作。

享受初戀

正沐浴於愛河的李蘊，問到她在MV中流出真眼淚是否很困難？她稱：「咁又唔係喎，拍喊戲仲難，因為要記對白又要顧及表情，但拍MV可以簡單啲，我拍呢場戲時，一諗起我死咗嘅貓咪，我就會真情流露，喊得好傷心。」她又稱未曾試過因感情事而喊，因現時是第一次拍拖，而且覺得很開心。

文：音樂組