Chunky Necklace凸顯不凡
曾幾何時，配飾是可有可無，但隨着時代演進，配飾已成為女士們的時尚恩物，皆因能美化造型，平凡中凸顯出不平凡之處。芸芸配飾當中，今期就以Necklace跑出，款式上卻有別於一般的輕量級，而是款款都有分量，這些俗稱為Chunky Necklace，亦是最深得女星歡心！
本報找來時裝作家及博客的王麗儀點評眾星配搭之道，大讚陳法拉與謝婷婷造型上配搭恰當，起了畫龍點睛的效果，穩陣地襯出型與美。
陳法拉
典型靚女，襯得幾靚，好配合整體造型。
鄭希怡
頸鏈多餘，因為條裙太多Pattern又外襯Cardigan，身上太多嘢，too much！
楊千嬅
頸鏈好靚，但搶咗件衫，起唔到原有凸出嘅效果，反而係喧賓奪主。
鍾舒漫
頸鏈幫到佢套衫，撞襯得有點騎呢，反而改襯黑色簡簡單單連身裙，更順眼。
謝婷婷
Off-shoulder Dress襯上Chunky頸鏈唔使咁悶，穩陣配襯出高貴味道。
鄭融
一身打扮太過普通，反而我淨係欣賞對鞋，應該投資一下。
官恩娜
簡直No Comment！襯得好奇怪，個墊膊好似卡通片造型，總之全身都出事，起唔到畫龍點睛效果。
驚嚇取勝
陳偉霆的頸鏈雖然不誇張，非Chunky一族，但勝在夠驚嚇，將曱甴標本吊墜吊上頸，真生人勿近！Janice坦言扣了恤衫領再襯上頸鏈很OK，完全合乎現今的潮氣標準。
博客簡介
王麗儀（Janice Wong），時裝作家及博客（blogger），是16年前華語媒體中首位遠赴歐美時裝周報道的時裝編輯。她常為香港及海外不少時裝設計比賽擔任評判；而美國CNN旗下亞洲生活時尚網站CNNGo.Com讚譽她為「香港首位真正的時裝權威」，就連香港Yahoo亦稱譽她為「時裝文化人」。最新暢銷著作《我的時尚騷靈》。