阿嬌撼楊幂爭華鼎視后

阿嬌早前已經憑內地劇《靈珠》在北京《優酷影視盛典》頒獎禮中獲頒「卓越表現女演員」及「港台最佳女演員」兩項大獎，據知她再憑該劇在下月深圳舉行的「華鼎獎」角逐「傳奇類最佳女演員」，由五強躋身最後三強，跟內地演員楊幂及小宋佳爭奪視后。

度期出席

阿嬌能夠入圍已經好開心，問到她信心如何？她說：「要畀信心自己。」劇中阿嬌一人分飾兩角，乃超越時空故事，她說：「第一次拍呢啲古仔，覺得係新嘗試好滿足。」頒獎禮當日阿嬌希望可以出席，她說：「依家調配緊時間，咁大型頒獎禮都想親身去見識，如果得獎就更開心。」

阿嬌拍攝《靈珠》時吃盡苦頭。	阿嬌憑《靈珠》已奪兩個大獎，且看能否再下一城？	小宋佳

孤苦伶仃

拍攝該劇的情景阿嬌至今記憶猶新，她說：「拍嘅時候係冬天，日日冰天雪地，自己生日、新年都喺內地過，雖然同劇組合作好開心，佢哋對我好好，但每逢節日倍思親，有時都會覺得孤苦伶仃。」

阿嬌更笑言經歷了人生最肥的階段：「嗰時日日同劇組去食飯、買零食，因為食得太多個人脹爆咗，返港後班同事話幾乎唔認得我添。」

文：音樂組