婷婷爆四哥尷史 片車瞌着墮窿

【張嘉敏澳門直擊】謝婷婷昨日以一身黑色皮褸型格Look，出席新濠天地冠名贊助澳門格蘭披治電單車第45屆大賽記者會，與兩位大熱賽車手分別來自美國的Jeremy Toye及英國的Gary Johnson見面。婷婷表示對賽車手賽車心得及賽車前感受大感興趣，而一向有打網球的她透露：「我自己在網球比賽，頂帽七日唔洗，我知賽車手啲頭盔係唔可以畀人掂，呢啲好迷信，尤其中國人更有呢啲小迷信。」

婷婷在賽車手服裝上簽名留念。	婷婷禁男友安志杰學電單車，怕他會出錯。（資料圖片）	謝賢是電單車迷，曾到馬來西亞參加電單車品牌百周年紀念。

想學又怕有危險

婷婷繼又表示想學電單車，因對拍戲有幫助，被問到會否驚危險，她說：「都驚，不過意外就係意外，就算平時出街過馬路都會有意外，男友Andy（安志杰）都想學，仲成日哦我畀佢考，但我唔畀，驚危險，電單車係好快速度，半秒就要做決定，我覺得佢會做錯決定，不過自己又想學，覺得自己雙重標準，如果一齊學都可以試吓。」

爺爺揸車追嫲嫲

婷婷又爆爹哋四哥謝賢是電單車迷，還險些喪命：「爹哋有揸哈利車隊，試過同四十個老友揸電單車去上海，一齊穿州過省，有一年佢揸揸吓途中瞓咗，跟住跌咗落個窿度，旁邊係懸崖，如果偏少少就會冇命，真係好好彩。（有冇坐過爹哋電單車？）有，大約十六歲，當時冇戴頭盔，食晒塵。」婷婷又言，嫲嫲曾向她透露，爺爺當時追求她亦是揸電單車，半夜三更揸車接嫲嫲，婷婷覺得此舉好浪漫。