MC Jin九展開騷紅館見
從美國回流的歌手歐陽靖（MC Jin），在港發展三年後即將迎來首個個人演唱會，昨日MC Jin就為下月中舉行的演唱會出席記招。今次個唱的主題為「紅館見」，但就選在九展舉行，MC Jin說：「紅館開騷係好多歌手嘅目標，坦白講我仲未諗過，依家喺九展開我已經超開心。」
同時MC Jin指今次個唱會打破傳統，全場只設企位：「我唔係想刻意打破傳統，起初都擔心大家會企得太耐，但安排企位的確會令氣氛好啲。」雖然演唱會只開一場，但MC Jin稱會盡力去做，沒有想到賺蝕的問題。
另外，日前TVB公布台慶頒獎禮的候選名單，MC Jin亦獲多個提名，他說：「有得提名已經好感激，我係咁多候選人中經驗最少。」他最希望得到飛躍進步獎。