鄭裕玲撐少爺占免費剪綵
電台DJ少爺占的自家品牌開分店，前晚邀請到鄭裕玲（DoDo）、詩雅、陳家樂、周柏豪等擔任剪綵嘉賓，阿占說：「好開心第一間舖開咗半年就回本，真係好好彩，今次用六位數字開分店，希望盡快可以返大陸開店！」DoDo大讚少爺占是出色的年輕人，值得到賀支持，她說：「我應承佢每開一間，我就免費幫佢剪綵，有時唔係講錢嘅，我個人都好講情呀，（入股？）唔得，我份人太心急，除非今日投資聽日賺錢啦，我唔啱做生意！」
而陳家樂被追問到跟同門師妹林欣彤的緋聞，他說：「套戲入面係，現實生活未係，（即是有機會？）將來嘅事冇人知，（你點同羅孝勇爭？）我唔知佢哋一齊喎，大家只係好朋友，唔會傾感情事！」