黃宗澤晒杏福撐行杏兒

前晚胡杏兒盛裝打扮出席商場作聖誕亮燈儀式，在無綫台慶頒獎禮中獲提名視后的她，透露下月中會到內地拍劇，豈非錯失聖誕黃金檔期搵銀良機？杏兒笑言：「大陸拍劇酬勞ＯＫ，返大陸賺人仔都可以呀！（痛失浪漫聖誕？）工作緊要，不過我真係好忙，可能要退休先有機會。」她笑言自己是工作狂，就算結了婚都繼續工作。

胡杏兒演的劇集《萬凰之王》熱播，她希望靠劇情拉票。	呂慧儀為配合聖誕氣氛，揚言毋須太性感。	胡杏兒（右二）與呂慧儀在亮燈活動中提早迎聖誕。

聞結婚 冇咁快

追問杏兒何時結婚？她說：「冇咁快。（攞完視后先？）呢個都係目標之一，但攞完更加要努力工作。（得到視后，酬勞可倍增？）公司傾，我一向以來都好抵用。」

斥大膽 甜在心

杏兒的緋聞男友Bosco與「影后」惠英紅及樂易玲，則為《中國達人秀——港澳站賽區》進行招募。Bosco身穿杏色衫，被取笑身體力行力撐女友胡杏兒時不禁甜笑，但他卻呻杏兒在電台訪問中稱他為「腳背」，他說：「佢真係大膽，踩到我上心口，好彩唔係腳板底咋！（杏兒叫你遲啲先攞視帝。）預咗啦，今年對手咁強！（上網投女友一票？）佢咁講我仲投佢？把口撐佢算啦。」

而惠英紅則透露正等待監製李添勝開《義海豪情》續集，她說：「呢間公司嘅戲都主打年輕人。（你都係？）我夾喺中間囉。」

文：影視組