唐貝詩孖西裝友蜜遊濠江

寇鴻萍女兒Lydia今年九月宣布與毛玉萍兒子Eric Yu分手後，除被拍得有男伴管接管送外，又因與「爆E超蓮」鍾采羲當眾攬啜而被指「男女通殺」。不過兩女堅決否認斷背，Lydia更自稱感情空白。

兩人雞啄唔斷，唐貝詩被西裝男逗得頻頻甜笑。	記者上前拍照，兩人即尷尬彈開。	西裝男自動波為唐貝詩開車門，盡顯紳士風度。（DV圖片）

多次被冧甜笑

上周五11月11日的「光棍節」，Lydia被發現已有新歡！當晚悉心打扮的她穿上短裙露長腿，與一名西裝男於晚上八時許到上環港澳碼頭乘船過澳門蜜會。兩人沿途步往豪華位候船室時表現親暱，男方極有風度為Lydia開門，隨後並肩而坐談情。邊玩電話邊與男伴講不停的Lydia，多次被冧得甜笑。當西裝男煙癮發作，她還陪伴對方外出抽煙。雖然硬食二手煙，但見她未有介意，全程陪伴在側。

前後腳入船艙

未幾Lydia與新歡上船，但二人鬼祟地前後腳步入船艙，又揀選最前排的座位而坐。乘船途中二人親暱得頭貼頭，女方還狀似依偎在男伴肩膊上。落船時記者上前拍照，Lydia與新歡即愕然得匆匆各自彈開。問到身旁男伴是否新歡？她尷尬地笑而不語。再問與新歡拍拖多久？Lydia才說：「同事嚟架！（一齊去做嘢？）唔係，一齊去玩啫。」

當追問她母親是否得悉她與男同事單獨往澳門過夜玩樂時，Lydia未有回答便匆匆往的士站會合男友，雙雙急步上車閃人。

文、攝：追蹤組