祖兒玩感性sing淚俱下

「Joey ＆ Joey新城容祖兒音樂會」前晚會展舉行，祖兒以see-through晒背裙出現，但一開聲演唱便「蝦碌」連連又tag錯歌，她不禁「嘟嘴」說：「第一場通常係咁架！」但之後唱飲歌《啜泣》時，祖兒又有甩漏，她即尷尬得嘴扁扁，不過，祖兒當然愈唱愈順，將多首經典歌曲重新編曲演繹，令歌迷耳目一新。更在台上大騷quali，拿着結他自彈自唱，一雙美腿盡現。

在台上自彈自唱的祖兒，大騷美腿。	祖兒性感透視裝，演唱投入。	祖兒完騷後，與吳雨（左）、朱明銳（右）等祝酒。

之後，祖兒台上大玩感性，表示：「每個人心目中都有一首屬於自己嘅歌，好高興喺我歌曲裏面，搵到代表你哋自己嘅歌，而我自己永恒嘅fantasy就係《黃色大門》！」說畢，祖兒便唱出《黃色大門》，唱到中段祖兒竟眼濕濕，更突然流下兩行眼淚。

唔知泳兒拍拖

完騷後，問到為何唱到落淚？祖兒表示：「其實係好投入嘅情況去唱，而呢首歌係代表自己，一時感觸啫！」講到師妹泳兒亦宣布感情有着落，祖兒則說不知道。可羨慕泳兒？祖兒說因自己注意力都放在工作上，才沒有去施肥栽種過愛情。　

文：音樂組