張智霖法式慰妻親子整餅
張智霖（ChiLam）為事業家庭疲於奔命，雖然工作排山倒海，但日前仍抽空與太太袁詠儀（靚靚）到法國餐廳撐枱腳，翌日再與囝囝整薄餅親子樂慶生日，好男人不易當。
ChiLam最近忙於宣傳十二月舉行的廣州演唱會，繼而再為王家衛新片《一代宗師》補戲，但他未有因此忽略家庭。日前他與靚靚現身銅鑼灣歎法國菜，席間二人雞啄唔斷。離開時發現有記者在門外守候，他開玩笑謂：「又見到你哋（指記者），係咪有二五仔？（同老婆慶祝入圍角逐視帝？）唔係，飯點都要食，況且我遲啲要返內地工作，依家趁仲喺香港，咪陪屋企人多啲囉。」他又表示與老婆相處時以吃喝玩樂為主，話題從不涉及工作。
除夕拉隊去紅館
前日是ChiLam囝囝張慕童（魔童）的五歲生日，ChiLam夫婦選擇在僻靜地方為兒子慶生，並請來一眾小朋友參加派對。ChiLam非常享受與魔童共處之時，齊齊落手落腳整薄餅。事後靚靚將生日會照片上載微博公諸同好，又代兒子多謝各方好友的利是及禮物。
另外，ChiLam昨日舉行簽名會，他透露下月會到廣州開兩場演唱會：「除咗會喺內地，仲會去美加同星馬地區演出。而公司亦接洽緊，希望明年底會再喺香港演出。」他又指希望除夕晚能夠和一班朋友拉大隊到紅館，欣賞好友郭富城的演唱會，陪對方一齊倒數迎新年。
文：影視組 攝：追蹤組