陳茵媺黑裏透白離奇現Bra

陳茵媺昨日偕同黎耀祥、徐子珊、吳卓羲及胡定欣等為《法證先鋒III》宣傳活動，期間她與子珊不約而同大騷長腿，一身薄黑衣打扮的她玩遊戲時鎂光燈閃個不停，結果被發現透出淺色Bra，身材若隱若現。事後記者打趣問陳茵媺是否穿了白色內衣，她笑謂：「點解咁問？（透咗出嚟囉。）吓？幫我搵軟件執走佢啦，今次係好好嘅經驗，下次會小心啲。」記者笑問她可擔心返家後會「遭人」薄責？她意會話中有話：「咁我平日都好Casual，性感只限於角色啫。（台慶頒獎禮幫陳豪準備戰衣？）唔會，佢不嬲好型，揀衫有自己嘅Style。」

緋聞男女吳卓羲與徐子珊型爆合照。

祥仔與胡定欣抱抱搞氣氛。

「梗係偏心陳豪」

談到有指鄭嘉穎簽長約換獎，陳茵媺笑說：「今年大家嘅表現都好好，我對陳豪就有私人理由，梗係偏心佢！」活動期間黎耀祥亦拿二人的戀情開玩笑：「陳茵媺平時都係戴一隻耳環，唔信問吓陳豪啦！」

子珊飛馬國壯膽

剛從馬來西亞登台返港的祥仔一臉倦容，但感激不少粉絲從世界各地飛往當地捧場。談到今年視帝競爭激烈，他坦言分擔了自己的壓力：「個遊戲咁先多姿多采嘛。（傳嘉穎簽約換獎？）合約個個都有，換得幾多吖！」稍後他將要剃頭演出新劇。同場的徐子珊透露月尾將飛往馬來西亞，出席一個電視頒獎禮，她形容是台慶頒獎禮的前哨戰。

文：影視組