祖兒自嘲孤寒儲定錢養老
容祖兒（Joey）昨日以代言人身份出席服裝品牌全新《反斗奇兵》服飾系列活動，大會請來與卡通片其中一位主角似樣的鄧梓峰擔任司儀外，又找來謝婷婷展示新裝。頻頻與卡通人物合作的Joey自言有番童真，「童真」更為她荷包進帳不少。
收入勝去年
Joey透露掌管財政的母親剛為她結算本年收入，結果收入比往年有增長，Joey自嘲愈有錢愈孤寒，並說：「積穀防饑嘛，能夠賺錢嘅能力會隨年齡減低。（身家過億？）未過億，希望最後幾年唔使擔心啫。（再買樓？）相信媽咪喺適當時候會，佢知我搵錢辛苦，唔會作高風險投資。（試過損手？）點都會有，但佢唔會講，自己會搞番掂。（計劃退休？）又未，怕積蓄唔夠搣。」
至於拍照時被鄧梓峰封「影后」，問Joey會否感壓力？她即笑說：「冇咩壓力，咪畀個背脊佢影囉！」
冇筍盤介紹
而問到婷婷會否買嘢給姪兒Lucas與Quintus？她說：「都會買嘅，平日好少買衫畀佢哋，佢哋太多衫喇，媽咪（狄波拉）就成日買，生日都冇買禮物，會用時間陪佢哋。」另外，婷婷又說身邊好女仔全數嫁人，未有「筍盤」介紹予阿哥謝霆鋒，她說：「諗番阿哥拍拖已係十幾歲嘅事，依家多咗見阿哥，陪吓屋企人都好呀！」採訪：音樂組