陳偉霆盼MJ「開心活下去」
國際巨星米高積遜（MJ）09年暴斃案，其私人醫生默里被控誤殺罪成，將可能面對四年囚禁。香港一眾歌手覺得審決圓滿結束，希望MJ得到安息。視MJ為終身偶像的陳偉霆（William）希望MJ在另一空間可以快樂活下去。
視MJ為偶像的William，曾努力鑽研對方的強勁舞姿，舉手投足都似模似樣。他坦言由偶像暴斃到默里被控，都有留意事態發展。他說：「佢嘅死因都係我哋一班跳舞朋友嘅熱話。對今日終於有判決，我覺得法庭用咗咁多人力物力去查，相信呢個係圓滿結果，對MJ都係一個了結。死者已矣，偶像喺另一個空間唔使再受論壓力，再冇疾病痛苦下，可以開心活下去。不過諗起佢嘅孤雛就覺得係人生最悲慘嘅事。」
糖妹：追究不重要
蔡卓妍亦認為判決對MJ是一件好事，相信他在另一個地方可以好好生活。鄭希怡指之前外界對MJ有太多猜測，如今有判決，終還MJ一個清白。林二汶則坦言MJ的死之前都是道聽塗說，不懂得評論：「如果一、兩句評論到，就唔使今日先審判！歌迷失去偶像已經好傷心，無論原因係點，要走嘅已走，留低嘅人要好好咁活，包括醫生默里。一個影響到大家生命咁重要嘅人，係要識得啟發自己，而唔係去追究責任。」
組合糖兄妹的糖妹表示MJ已經過世，追究責任已經不再重要，反正MJ留下來的舞蹈、歌曲給大家有着更大驚喜。藍奕邦覺得整件事最好快些完結，好讓MJ的子女可以健康成長，不要因為MJ的死而引發任何不開心。
文：音樂組